ՄԱԿ-ի գլխավոր քարտուղար Պան Գի Մունը Գլխավոր ասամբլեային տեղեկացրել է, որ 15 անդամ-երկրներ չեն վճարել անդամավճարները և այժմ կարող են ՄԱԿ-ում քվեարկել միայն բացառիկ դեպքերում։ Այս մասին հայտնում է BBC-ն։
Պան Գի Մունի ստորագրությամբ պաշտոնական նամակը տարածվել է ուրբաթ։
Պարտք ունեցող երկրների թվում գլխավոր քարտուղարը նշել է մասնավորապես Վենեսուելային և Լիբիային։ Վենեսուելան, ինչպես նշվում է նամակում, համաշխարհային կազմակերությանը պարտք է մոտ 3 մլն դոլար։ Ցուցակում են ընդգրկված նաև Դոմինիկյան Հանրապետությունը (2.1 մլն դոլար), Սենթ Վինսենթն ու Գրենադան (2155 դոլար) և Բուրունդին (1360 դոլար)։ Եթե երկիրը չի կարողանում վճարել իրենից անկախ հանգամանքների պատճառով, ապա նրան թույլատրվում է քվեարկել։ Գլխավոր ասամբլեան ընդունել է բանաձև, որը թույլ է տալիս 5 աղքատ և պատերազմական վիճակներում գտնվող երկրների քվեարկել՝ ներառյալ Սոմալիին և Եմենին։
ՄԱԿ ԱԽ կազմում գտնվող Վենեսուելան հաջորդ ամիս կդառնա դրա նախագահը։ Անդամավճարի պարտքը դրա վրա չի ազդում։
