Որքան էլ արդարադատության նախարարության քրեակատարողական վարչությունից հավաստիացնեն, թե «Նոր Հայաստան»-ի անդամ, ակտիվիստ Գևորգ Սաֆարյանի նկատմամբ քրեակատարողական հիմնարկում բռնություններ չկան, նրա փաստաբանն ահազանգում է Գևորգի նկատմամբ խոշտանգումների փաստի մասին։
Երեկ երեկոյան Գևորգի նկատմամբ կիրառված ճնշումներից հետո, վերջինս տեղափոխվել է առանձին խուց, այսօր այդ խցում միայնակ է գտնվում, սակայն փաստաբանը չի բացառում, որ կրկին նրա խուց հնարավոր է քրեական հանցագործներ տեղափոխվեն։
Փաստաբանը պնդում է՝ Գևորգ Սաֆարյանի նկատմամբ իրականացվող ճնշումները քաղաքական դրդապատճառներ ունեն և հրահանգվում են դրսից։
Գևորգ Սաֆարյանն այս պահին գտնվում է հացադուլի մեջ։ Հացադուլը շարունակում է նաև Հայկ Կյուրեղյանը, որին ի պաշտպանություն՝ երեկ հացադուլ է հայտարարել նաև Շանթ Հարությունյանը։
Ինչ վերաբերում է Ամանորի գիշերն Ազատության հրապարակում ոստիկանների կողմից բռնությունենրի ենթարկված մյուս 5 ակտիվիստին, ապա Տիգրան Հայրապետյանն ասաց, որ մինչ օրս նախաքննական մարմինը նրանց տուժող չի ճանաչել և չի ծանուցում գործի ընթացքի մասին