Երգչուհի Սելին Դիոնը վերջին հրաժեշտն է տվել սիրելի ամուսնուն` պրոդյուսեր Ռենե Անժելիլին, որը տառապում էր կոկորդի քաղցկեղից: Այս մասին հայտնում է The Daily Mail-ը:
Հաղորդվում է, որ հոգեհանգստի արարողությունը տեղի է ունեցել Մոնրեալ քաղաքի Նոտր Դամ տաճարում։
47-ամյա սևազգեստ երգչուհին հոգեհանգստին գնացած բոլոր մտերիմների ու հարազատների, սրտացավ անծանոթների հետ սգացել է սիրելի ամուսնու կորուստը։
«Այնքան զգացված եմ, որ այսքան շատ մարդիկ են մեզ աջակցում նման դժվարին պահին»,- նշել է երգչուհին, որը պատրաստվում է փետրվարին բեմ վերադառնալ:
Զույգն ամուսնացել էր 1994 թ.:
