Ամերիկացի գիտնականներ Ալան Հութը և Շոն Քերոլը` Մասաչուսեթսի և Կալիֆոռնիայի տեխնոլոգիական ինստիտուտներից, առաջարկել են Տիեզերքի հայելային մոդելը, որտեղ ժամանակը հոսում է հակառակ ուղղությամբ, հայտնում է The Daily Mail-ը:
Որպես իրենց աշխատանքի հիմք գիտնականները վերցրել են ժամանակի թերմոդինամիկ պատկերացումը, որտեղ անցյալը և ապագան փոխվել են տեղերով:
Ըստ այդ գաղափարի` ժամանակի ուղղությունը համընկնում է էնթրոպիայի աճի հետ (երբ համակարգում նկատվում է ավելի կարգավորված վիճակից անցումը ավելի քիչ կարգավորվածի):
Ֆիզիկոսները այդպիսի աշխարհի էվոլյուցիան մոդելավորել են Տիեզերքի տարածությունում և եկել են այն եզրակացության, որ մասնիկների կեսը սկսել է տարածվել ամպի սահմաններից դուրս՝ այսպիսով մեծացնելով էնթրոպիան:
Պարբերականը նաև հայտնում է, որ ներկայումս գիտնականները չեն կարող միանշանակ պատասխան տալ, թե ինչ է տեղի ունենում մասնիկների հետ, երբ չկա ժամանակի սահմանված ուղղվածություն: Նրանց ստեղծած մոդելը հաստատում է բազմատիեզերքի գոյությունը, որտեղ աշխարհներից յուրաքանչյուրն ունի ժամանակի իր ուղղությունը:
