Եթե դուք նոր եք ամուսնացել, իսկ ձեր հարաբերությունները չի կարելի անվանել երջանիկ, ապա այս հոդվածը ձեզ վստահություն կներշնչի, հայտնում է Daily Bhaskar-ը:
Նոր հետազոտության տվյալով՝ «մեղրամիս» արտահայտությունն ընդամենը միֆ է:
Ինչպես պարզվել է, շատ զույգեր ամուսնության առաջին տարին դժբախտ են: Ամենաերջանիկ ամուսինները դառնում են համատեղ կյանքից 40 տարի անց:
Կյանքի որակի Ավստրալիայի Դիկինի կենտրոնի մասնագետները հետազոտել են 0-100 տարեկան կամավորների երջանկությունը:
Այսօր Ավստրալիայում զույգերի երջանկության միջին ցուցանիշը 75 տոկոս է: Այն զույգերի մոտ, որոնք միասին ապրում են առաջին տարին, այդ թիվը կազմում է 73,9 միավոր՝ ի տարբերություն նրանց, որոնք միասին ապրել են քառասուն տարի։ Վերջիններիս դեպքում երջանկության ցուցանիշը 79,8 է:
«Դա բավական անսպասելի է, քանի որ համարվում է, որ երիտասարդները պետք է ամենաերջանիկը լինեն, սակայն իրականում դա այդպես չէ: Մարդիկ հորինում են, երբ ասում են, որ ամուսնության օրը իրենց կյանքի լավագույն օրն է»,- ասում է հետազոտության հեղինակներից մեկը:
Երիտասարդ ամուսիններին դժվար է հարմարվել կենցաղին, որը հաջորդում է տոնին:
