«Իրատես de facto» թերթը գրում է. «Ասում են, թե հայաստանյան օլիգարխիական համքարությունում «սպասման հիվանդ» են: «Օրենսդիր զբաղմունքի տեր» սույն գործիչները հոտոտում են հայոց օդն ու հատկապես Բաղրամյանից փչող քամիների ուղղությունը, որ հասկանան` դեպի ուր են քշվելու, մաս կազմելո՞ւ են ապագա խորհրդարանի:
Ասում են նաև, թե օլիգարխիկ համքարության համար կկիրառվի «ես էլ դու եմ, ես չկամ» տարբերակը. օլիգարխն իր փոխարեն խորհրդարան կուղարկի սեփական «լոբբիստին»` ներկայացուցչին, որ կունենա խելացի դեմք, աշխարհի բոլոր հիմար մտքերը կասի դեմքի այդ արտահայտությամբ, կլինի լրագրողների հարցերին պատասխանելու ընդունակ և, իհարկե, կոճակ սեղմելու հարցում` աչքը հառած Մելիք-Ադամյան փողոցին: Երկրորդ տարբերակը «անձամբ ճանաչումն» է. օլիգարխներն իրենք ներկայացված կլինեն խորհրդարանական հանրապետության պառլամենտում և կշարունակեն իրենց «ստեղծագործ» աշխատանքը:
Ասում են` անցողիկ կհամարվի առաջին տարբերակը:
Մանրամասները՝ թերթի այսօրվա համարում
Լուսանկարը՝ Photolure-ի
