Բրիտանիայի մուսուլմանների միությունը մեղադրել է երկրի վարչապետ Դևիդ Քեմերոնին իսլամի հետևորդներին պախարակելու համար: Առիթը Քեմերոնի մեկնաբանությունն է, որը մուսուլմանների կողմից անգլերենի յուրացումն անհրաժեշտ քայլ է համարել ծայրահեղական հակումներից զերծ մնալու համար, գրում է lenta.ru-ն:
«Կառավարության հայտարարությունները մուսուլմանների վերաբերյալ անարդյունավետ են, դրանք շարունակում են պախարակել մահմեդական հասարակությանը»,- նշվում է Մահմեդական կանանց խորհրդի հայտարարության մեջ:
Քեմերոնը պարզաբանել է, որ անգլերենի իմացության ցածր մակարդակի և ծայրահեղականության միջև ուղիղ կապ չկա, սակայն նա, ով չի կարողանում ինտեգրվել բրիտանական հասարակությանը, ավելի հակված է ծայրահեղականությամբ տարվելուն: Նա նշել է, որ այն բնակիչները, որոնք երկու տարվա ընթացքում չեն կարողանա հանձնել քննություն անգլերենից, ստիպված կլինեն լքել երկիրը:
