Ընթացիկ տարվա ընթացքում Հյուսիս-հարավ ճանապարհահատվածի ծրագրի կառուցման աշխատանքները կկրեն լայնածավալ բնույթ: Մասնավորապես, նախատեսվում է ավարտին հասցնել ներդրումային ծրագրի Տրանշ 1-ի Երևան-Աշտարակ, Երևան-Արարատ ճանապարհահատվածի աշխատանքները, կշարունակվեն Տրանշ 2-ի Աշտարակ- Թալին հատվածի շինաշխատանքները, կմեկնարկեն Տրանշ 3-ի Թալին- Լանջիկ, Լանջիկ-Գյումրի ճանապարհահատվածի վերակառուցման աշխատանքները: Բացի այդ, Տրանշ 4-ի Քաջարան-Ագարակ մոտ 304 կմ ճանապարհահատվածի նախնական նախագծման և նշված հատվածից մոտ 60կմ հատվածի վերջնական նախագծման աշխատանքները կշարունակվեն: Աշխատանքների իրականացումն ընդգրկված է ՀՀ կառավարության գերակա ծրագրերի թվում:
Ակնկալվում է, որ ծրագրի իրականացումը հնարավորություն կտա ամբողջացնելու Հյուսիս-հարավ ճանապարհային միջանցքի Երևան-Գյումրի հատվածում ժամանակակից չափանիշները բավարարող աշխատանքային պահանջները: