Ռուսական RIA Novosti լրատվական գործակալության փոխանցմամբ՝ հոգեբանները պարզել են, որ կանգնած վիճակում դասընթացները զգալիորեն բարձրացնում են ուսանողների ընկալելու մակարդակն ու ճանաչողական ունակությունները։ Դրա մասին նշված է International Journal of Environmental Research and Public Health պարբերականում տեղ գտած հոդվածում։
Տեխասի համալսարանի ներկայացուցիչ Մարկ Բենդենը հայտարարել է, որ շատ ուսուցիչների խոսքով՝ դպրոցականներն ու ուսանողներն իրենց լավ են պահում և ավելի կենտրոնացած են ուսման վրա, երբ նրանք կանգնած են, ոչ թե նստած։ Հոդվածի հեղինակ Ռանջանա Մեհտան նշել է, որ փորձերի արդյունքները ցույց են տվել, որ կանգնած վիճակում դասընթացները զգալիորեն բարելավում են ուսանողների աշխատանքային հիշողությունն ու առաջադրանքները կատարելու ակտիվությունը. «Այդ բոլոր փոփոխություններն արտացոլվել են նրանց ուղեղում ակտիվության դրսևորումներում»։
