Նավթի գինը հասել է վերջին տասնամյակի նվազագույնին, սակայն իրական արտահայտությամբ այն ավելի ցածր է, հայտնում է Bloomberg-ը:
Այսպես, 1998 թվականին Սաուդյան Արաբիան նավթի մեկ բարելը վաճառել է մոտ 10 դոլարով: Այժմ այն արժե 26 դոլար, որը 2002 թվականից հետո համարվում է նվազագույնը` հաշվի առնելով գնաճը: Եթե նավթի արժեքը հաշվենք 1998 թվականի գներով, ապա այն կարժենա 17 դոլար, հայտնում են վերլուծաբանները:
«Նավթի գների անկումը համարվում է կարևոր ազդանշան այն բանի, որ Չինաստանում ավարտվել է ներդրումային բումը»,- ասել է Ադեյր Թերները, որը գլխավորում է Նոր տնտեսագիտական մտածողության ինստիտուտի կառավարիչների խորհուրդը:
Նա համարում է, որ ներդրումների և կառուցողական ակտիվության նվազումը Չինաստանում, որն աշխարհում համարվում է էներգակիրների խոշորագույն սպառողը, աշխարհին տալիս է «հսկայական գնանկումային իմպուլս» և նշանակալիորեն նպաստում է նավթային շուկայի անկմանը:
