Լոս Անջելեսում հայտարարվեցին ԱՄՆ Արվեստի և կինոմատոգրաֆիական գիտությունների ակադեմիայի գլխավոր մրցանակի հավակնորդները։ «Օսկար» մրցանակը հանձնվում է 24 անվանակարգերում։
Ամբողջական ցուցակը հրապարակված է «Օսկարի» պաշտոնական կայքում։
«Լավագույն դերասան» կոչման համար կպայքարեն Լեոնարդո Դի Կապրիոն («Վերապրածը»), Բրայան Կրենսթոնը («Տրամբո»), Մեթ Դեյմոն («Մարսիացին»), Մայքլ Ֆասբենդեր («Ստիվ Ջոբս») և Էդդի Ռեդմեյն («Աղջիկը Դանիայից»)։
«Լավագույն դերասանուհի» անվանակարգում կմրցեն Քեյթ Բլանշեթը («Քերոլ»), Բրի Լարսոնը («Սենյակ»), Ջենիֆեր Լոուրենսը («Ջոյ»), Շառլոտ Ռեմփլինգը («45 տարի»), Սիրշա Ռոնանը («Բրուկլին»)։
«Լավագույն օտարալեզու ֆիլմ» անվանակարգում կմրցեն «Մուստանգը» (Ֆրանսիա), «Ոսկե գլոբուս» ստացած «Սաուլի որդին» (Հունգարիա), «Օձի գրկախառնությունը» (Կոլումբիա), «Պատերազմ» (Դանիա) և «Հպարտություն» (Հորդանան) ֆիլմերը:
«Լավագույն ֆիլմ» գլխավոր անվանակարգի համար կպայքարեն 8 ֆիլմեր՝ THE BIG SHORT, «Լրտեսական կամուրջ» (Bridge of Spies), «Բրուկլին» (Brooklyn), «Խելահեղ Մաքսը. Կատաղության ճանապարհ» (Mad Max: Fury Road), «Մարսիացին» (The Martian), «Վերապրածը» (The Revenant), «Սենյակ» (The Room), «Ուշադրության կենտրոնում» (Spotlight) աշխատանքները:
«Լավագույն ռեժիսոր» կոչմանն են հավակնում Ադամ Մակքեյը (THE BIG SHORT), Ալեխանդրո Գոնսալես Ինյարիտուն («Վերապրածը»), Լենի Աբրամսոնը («Սենյակ»), Թոմ Մակքարթին («Ուշադրության կենտրոնում»), Ստիվեն Սպիլբերգը («Լրտեսական կամուրջը»)։
88-րդ «Օսկար» մրցանակաբաշխությունը կկայանա 2016 թվականի փետրվարի 28-ին։ Միջոցառումը կանցկացվի «Դոլբի» կինոթատրոնում և կհեռարձակվի ABC հեռուստաընկերության կողմից 225 երկրներում։
