Ինչպես արդեն հայտնել ենք, կատալոնական «Բարսելոնա»-ն ցանկանում է ձեռք բերել «Շալկե»-ի կիսապաշտպան Լերոյ Սանեի տրանսֆերը: Սակայն «կապտանռնագույններ»-ը ստիպված կլինեն վճարել Սանեի պայմանագրով նախատեսված հրաժարագինը:
Այն 37 մլն եվրո է կազմում և, AS-ի փոխանցմամբ՝ կատալոնացիները պատրաստ են վճարել այդ գումարը՝ Սանեի տրանսֆերը ձեռք բերելու համար: Ֆուտբոլիստի ծառայություններով են հետաքրքրված նաև Մադրիդի «Ռեալ»-ը և «Մանչեսթեր Սիթի»-ն:
Ավելի վաղ «Շալկե»-ի ղեկավարությունը հայտարարել է, որ մտադիր է նվազագույնը 50 մլն եվրո ստանալ Սանեի իրավունքների դիմաց: Բունդեսլիգայի ընթացիկ մրցաշրջանում ֆուտբոլիստն անցկացրել է 17 հանդիպում, 4 գոլ է խփել և գոլային 4 փոխանցում կատարել:
