Քաղցկեղով հիվանդ կանանց օգնության բարեգործական հիմնադրամը արդեն 16-րդ անգամ մրցանակներ է շնորհել Բևերլի Հիլզում, որտեղ հյուրընկալվել են Քայլի Մինոուգը, Ամբեր Վալետան, Կարոլինա Էրեյրան, Ջուլիանա Հաֆը, Թոմի Հիլֆիգերը, Մոնիկ Լյուլյեն և ուրիշներ:
Հիշեցնենք, որ 1996թ. հիմնված EIF հիմնադրամը միջոցներ է հավաքում քաղցկեղով հիվանդ կանանց օգնելու նպատակով: Վիճակագրությունը պարզել է, որ ավստրալացի կանանց երեքից երկուսը մահանում է այս սարսափելի հիվանդությունից, այդ պատճառով էլ օրակարգում քաղցկեղի բուժման արդյունավետ միջոցների մշակումն էր:
Քայլի Մինոուգը պատահաբար չի դարձել այդ երեկոյի հերոսուհին: 2005թ. աշխարհը ցնցեց նորությունն այն մասին, որ հանրահայտ երգչուհին տառապում է կրծքի քաղցկեղով: Վիրահատության պատճառով նա ստիպված եղավ հետաձգել համաշխարհային շրջագայությունը:
Բարեբախտաբար, երկարատև բուժումից հետո Քայլին առողջացավ և վերադարձավ իր աշխատանքին: Նա երբեք էլ մամուլից չի թաքցրել իր հիվանդությունը, միշտ մասնակցում է բարեգործական ակցիաներին և աջակցում այն կանանց, ովքեր բախվում են այս խնդրի հետ:
1. Կարոլինա Էրեյրա
2. Քայլի Մինոուգ և Կարոլինա Էրեյրա
3. Ամբեր Վալետա
4. Ջուլիանա Հաֆ
5. Կարոլինա Էրեյրա և Ջուլիանա Հաֆ
6. Չելսի Հենդլեր
7. Լիզա Քուդրոու
8. Լիզա Քուդրոու, Կարոլինա Էրեյրա և Ռիտա Ուիլսոն
9. Թոմի և Դի Հիլֆիգերներ
10. Ջեյմս Ֆերագամո
11. Մոնիկ Լյուլյե
12. Էնժի Հարմոն
13.Քվին Իզրալոու
14. Բրունո Մարս
