«Ավատարի» աստղ ամերիկացի դերասանուհի Զոի Սալդանան յուրահատուկ զգեստների սիրահար է: Սակայն երբեմն զգեստի տարօրինակ ձևվածքը դրա տիրուհուն խնդիրների առջև է կանգնեցնում:
«Սթարթրեք. հատուցում» ֆիլմի լոնդոնյան պրեմիերային հավաքվել էին այս ֆիլմի բոլոր աստղերը` Զոի Սալդանան, Կառլ Ուրբանը, Քրիս Փայնը, Զաքարի Քուինթոն, Սայմոն Պեգգը, Բենեդիկտ Կամբերնեթչը և Էլլիս Իվը: Սալդանան հայտնվել է շքեղ սև-սպիտակ զգեստով, որի ներքևի մասը բազմաթիվ կտրվածքներով երկար կիսաշրջազգեստ է եղել: Չնայած հագուստը յուրօրինակ էր և ուշադրություն էր գրավում, պարզվել է, որ այն քայլելիս շատ անհարմար է, քանի որ դերասանուհու ոտքերը խճճվել են զգեստի փեշերի մեջ: Զոին մի քանի անգամ կանգնել է զգեստի փեշին՝ հազիվ պահելով հավասարակշռությունը: Գործընկերները միանգամից օգնության են հասել և օգնել են նրան ազատվել բազմաշերտ փեշերից: Չնայած այս տհաճ իրավիճակին՝ Սալդանան մինչև վերջ ժպիտը դեմքին լուսանկարվել է՝ ցուցադրելով ինքնատիրապետման իր հզոր կարողությունը:
