«Լատինական Ամերիկայի երկրների հետ ԱՄՆ-ի առևտրատնտեսական հարաբերությունները կընդլայնվեն փոխադարձ հարգանքի սկզբունքների հիման վրա»,- հայտարարել է Սպիտակ տան ղեկավար Բարաք Օբաման Կոստա-Ռիկայի մայրաքաղաք Սան-Խոսե կատարած պաշտոնական այցի ժամանակ ձեռնարկատերերի հետ ունեցած հանդիպմանը: Այս մասին հայտնում է ITAR-TASS-ը:
Նախագահն ասել է, որ ԱՄՆ-ը հետաքրքրված է հարավային բոլոր հարևանների հետ տնտեսական կապերի բարելավման համար բանաձևի որոնման շարունակությամբ: Օբամայի խոսքերով՝ որքան լայնորեն անցկացվի մայրցամաքում ինտեգրացիոն գործընթացը, այնքան ավելի արդյունավետ կլինի իրենց համագործակցությունը:
Նա նշել է Կենտրոնական Ամերիկայում տարածաշրջանային էներգետիկ շուկայի ստեղծման հատուկ կարևորությունը: Օբամայի խոսքերով՝ Սան Խոսեում կենտրոնաամերիկյան պետությունների առաջնորդների հետ ունեցած հանդիպմանը շոշափվել է էներգետիկայի զարգացման թեման՝ կապված ողջ տարածաշրջանում էլեկտրաէներգիայի բարձր սակագնի հետ:
Մինչ Կոստա Ռիկա ուղևորվելն Օբաման եղել է Մեքսիկայում: Ամերիկա-մեքսիկական բանակցություններում նշվել է, որ Մեքսիկայի հետ ԱՄՆ-ի համագործակցությունն անվտանգության ապահովման ոլորտում մնում է առաջնահերթություններից մեկը: Նշվել են նաև առևտրա-տնտեսական կապերի բարելավման համար վիթխարի հնարավորությունները:
