Թուրքիայի ԱԳ նախարարությունը ժխտել է տեղեկատվությունն այն մասին, որ պետությունը 2016 թվականի հունիսի 1-ից կվերադարձնի վիզային ռեժիմը 89 երկրների նկատմամբ, շաբաթ օրը հայտարարել է թուրքական ԱԳ նախարարությունը, հայտնում է TASS-ը:
Ավելի վաղ մի շարք լրատվամիջոցներում տեղեկատվություն է հայտնվել այն մասին, որ ԵՄ հետ բանակցությունների և անվիզա ռեժիմի հետընդունման պայմանագրի շրջանակներում Անկարային հարկ կլինի դուրս գալու երկկողմ համաձայնություններից` 89 երկրների հետ վիզային ռեժիմի մերժման մասին: Համապատասխան համաձայնագիր ստորագրված է նաև Ռուսաստանի հետ: ԱԳ նախարարությունը հայտարարել է, որ այդ տվյալները «չեն համապատասխանում իրականությանը»:
«Մեր քաղաքացիներին շենգենյան վիզաներից ազատելու բանակցությունները ԵՄ հետ շարունակվում են: Այն հրապարակումը, որ մեր երկիրը հունիսի 1-ից կմտցնի վիզային ռեժիմ այն երկրների համար, որոնց անհրաժեշտ է ԵՄ վիզա, ստույգ չեն»,- նշված է ԱԳՆ հայտարարության մեջ:
