«Ըստ էության ԵՏՄ-ն տեխնոլոգիապես հետամնաց և անկայուն գոտիներից մեկն է: Հայաստանն ընտրել է այդ գոտին, այսինքն՝ Հայաստանը զարգացման վեկտորը չի ընտրել: Դրանով են բացատրվում այս բոլոր բացասական դրսևորումները, որ տեղի են ունենում՝ Հայաստանի հետ կապված: Հայաստանը զրկվել է զարգացման գոտու մաս կազմելուց, որը նրան առաջարկվել էր»,- «Առաջին լրատվական»-ի հետ զրույցում ասաց տնտեսագետ Աշոտ Եղիազարյանը:
Տնտեսագետի կարծիքով՝ 2016թ. միակ դրական սպասումը կապված է ԵՄ-ի հետ նոր բանակցությունների հետ. «Եթե ԵՏՄ-ն պետք է խանգարի ԵՄ հետ հարաբերությունների խորացմանը, ապա պետք է դուրս գալ ԵՏՄ-ից, որովհետև զարգացման վեկտորը կապված է ԵՄ-ի հետ:
Ա. Եղիազարյանի կարծիքով՝ անկասկած ինչ-որ փուլում կառաջանա հարցը՝ կա՛մ ԵՏՄ, կա՛մ հարաբերությունների խորացում ԵՄ-ի հետ: «Հայաստանը պետք է այս առումով կամք դրսևորի, հարաբերությունները խորացնի ԵՄ-ի հետ»:
Մանրամասները՝ տեսանյությում:
