ԱՄՆ-ի իշխանությունները Ռուսաստանին կոչ են անում ճնշում գործադրել Սիրիայի ղեկավարության վրա օգնության կարիք ունեցող շրջաններում հումանիտար օգնության հասանելիության ապահովման համար, հայտնում է Rosbalt-ը:
«Մենք ռեժիմին կոչ ենք անում ապահովելու հումանիտար օգնության անհապաղ հասանելիություն Մադայա շրջանում և այլ քաղաքներում: Մենք սպասում ենք գործողությունների, այլ ոչ թե բառերի: Մենք նաև կոչ ենք անում Ռուսաստանին՝ օգտագործել իր ազդեցությունը Ասադի ռեժիմի վրա կարիքավորներին անհապաղ և պարբերական օգնության հասանելիություն ապահովելու համար»,- հայտարարել է ԱՄՆ պետդեպարտամենտի պաշտոնական ներկայացուցիչ Ջոն Քիրբին:
ՄԱԿ-ի գնահատականներով՝ ներկայումս Մադայա քաղաքում շուրջ 42 հազար բնակչի սպառնում է սովամահություն:
