Մադրիդի «Ռեալ»-ի գլխավոր մարզիչ Զինեդին Զիդանը հերքել է շրջանառվող լուրերն այն մասին, որ հարձակվող Քրիշտիանու Ռոնալդուն կարող է հեռանալ «արքայական ակումբ»-ից:
«Բոլորդ կտեսնեք, որ մենք խաղալու ենք երեք հարձակվողներով: Հերթական մարզումն եմ անցկացրել և ասեմ, որ թիմը բավականին լավ մարզավիճակում է: Պետք է հավասարկշռություն պահպանել, որը հիմնվում է պաշտպանության և հարձակման հավասարության վրա:
Ինչ վերաբերում է տրանսֆերներին, ապա ես չեմ ցանկանում, որ որևէ ֆուտբոլիստ հեռանա թիմից: Իսկ Ռոնալդուի տրանսֆերն ընդհանրապես չի վաճառվում: Մինչ ես «Ռեալ»-ում եմ, Ռոնալդուն չի հեռանա»,- Marca-ն մեջբերում է Զիդանի խոսքերը:
Հիշեցնենք, որ շրջանառվող բազմաթիվ լուրերի համաձայն՝ ՊՍԺ-ն և «Մանչեսթեր Յուանյթեդ»-ը հետաքրքրված են Ռոնալդուի ծառայություններով և ֆուտբոլիստը կարող է փոխել ակումբային գրանցումն ընթացիկ մրցաշրջանի ավարտից հետո:
