Թեհրանը պատրաստվում է դիմելու ՄԱԿ-ի Անվտանգության խորհրդին Եմենի մայրաքաղաք Սանայում Իրանի դեսպանատանը Սաուդյան Արաբիայի գլխավորությամբ արաբական կոալիցիայի ինքնաթիռներով հասցված ավիահարվածների կապակցությամբ: Այդ մասին հայտնում է RIA Novosti-ն՝ հղումով France-Presse գործակալությանը:
Ավելի վաղ հաղորդվել է, որ այդ կապակցությամբ Թեհրանը մեղադրել է Սաուդյան Արաբիային:
Ավելի ուշ Reuters գործակալությունը հաղորդել է, որ Սանայում ավիահարվածները ուղղված են եղել հուսիտների հրթիռային բացթողման սարքավորումներին: Գործակալության տվյալներով՝ հուսիտները օգտագործել են լքված դեսպանատունը ռազմական գործողություններ կատարելու նպատակով:
Եմենում շարունակվում է զինված հակամարտությունը, որտեղ մի կողմից հանդես են գալիս շիայական «Անսար Ալլա» շարժման ապստամբ հուսիտները և նախկին նախագահ Ալի Աբդալա Սալեհին հավատարիմ բանակը, իսկ մյուս կողմից նրանց կողմից վտարված նախագահ Աբդ Ռաբու Մանսուր Հադիի զորքերը:
