«Հատկապես վերջին շրջանում արտգործնախարարության գործունեության ձախողումները ակնառու են դարձել, և դրա մասին երեկվա հանրահավաքում խոսեց նաև Լևոն Տեր-Պետրոսյանը»,- խոսելով Հայաստանի արտաքին գերատեսչության գործունեության արդյունավետությունից` «Առաջին լրատվականի» հետ զրույցում կարծիք հայտնեց ՀԱԿ կենտրոնական գրասենյակի անդամ Վլադիմիր Կարապետյանը:
Այդ ձախողումներից, ըստ Կարապետյանի, ամենաակնառուն ԵԱՀԿ Մինսկի խմբի փաստահավաք առաքելության զեկույցն է, որը լուրջ հարված էր Հայաստանին: Կարապետյանը նկատեց, որ անտրամաբանական է նաև այն հանգամանքը, որ Ուկրաինայի նորընտիր նախագահ Վիկտոր Յանուկովիչը այցելում է Ադրբեջան, իսկ Հայաստան չի այցելում, ավելին` Սերժ Սարգսյանն ինքն է պատրաստվում այցելել Ուկրաինա. «Անհասկանալի քայլ է` հաշվի առնելով, որ Յանուկովիչն է նորընտիր, և ինքը պետք է գա Հայաստան, բայց չգիտես ինչու` Սերժ Սարգսյանը, խախտելով ընդունված դիվանագիտական կանոնները, ուղևորվում է Ուկրաինա: Սա նույնպես խորհրդանշական է և ցույց է տալիս, թե ինչ վիճակում է գտնվում Հայաստանի շահերի պաշտպանությունը դրսում»:
