Սաուդյան Արաբիան կարող է միջուկային զենք գնել Պակիստանի իշխանություններից՝ Իրանի հետ հարաբերությունների կտրուկ վատթարացման լույսի ներքո։ CNN-ի եթերում նման տեսակետ է հայտնել ամերիկացի սենատոր Ռոն Ջոնսոնը (հանրապետական՝ Վիսկոնսին նահանգից), որը ազգային անվտանգության և կառավարական հաստատությունների հարցերով Սենատի կոմիտեի նախագահն է՝ փոխանցում է TASS գործակալությունը։
«Սաուդյան Արաբիան իսկապես լավ հարաբերություններ ունի Պակիստանի հետ, նրանք պարզապես կարող են զենք գնել»,- հավելել է նա:- «Դա կհանգեցնի Մերձավոր Արևելքում հետագա ապակայունացման»։
Սենատորը նաև նշել է, որ խորապես անհանգստացած է Սաուդյան Արաբիայի և Իրանի միջև լայնածավալ պատերազի մեկնարկի հնարավորությամբ։
«Այն, ինչ մենք տեսնում ենք հիմա, Մերձավոր Արևելքում ուժերի հաշվեկշռի փոփոխում է»,- ընդգծել է Ջոնսոնը։
Նրա խոսքով՝ ճգնաժամի առաջացման պատճառներից մեկն այն է, որ Էր Ռիադն ԱՄՆ-ին այլևս չի դիտարկում որպես հուսալի դաշնակցի։
