Թամերլան Ցարնաևի այրին՝ Քեթրին Ռասելը, Բոստոնի մարաթոնի ահաբեկչության գործով մի քանի օր առաջ դադարել է համագործակցել հետաքննության հետ: Այս մասին հաղորդում է The New York Times-ը՝ վկայակոչելով ԱՄՆ-ի հատուկ ծառայությունների անանուն աղբյուրներին:
«Դաշնային իշխանությունները թերահավատորեն են մոտենում այն թեզին, որը պնդում է Ռասելը: Նա պնդել է, որ որևէ դերակատարում չի ունեցել ահաբեկչության մեջ և չի օգնել եղբայրներին թաքնվել իրավապահ մարմիններից, երբ FBI-ը հրապարակել է լուսանկարները: Թերահավատությունն ավելի մեծացավ այն բանից հետո, երբ Ռասելը դադարեց վերջին մի քանի օրերի ընթացքում համագործակցել իշխանությունների հետ»,- հաղորդում է թերթը:
Հատուկ ծառայությունները նաև պնդում են, որ պայթուցիկ սարքերի բեկորների վրա չեն հայտնաբերվել Քեթրին Ռասելի մատնահետքերը կամ ԴՆԹ-ն:
