Դաքքայում բազմահարկ շենքի փլուզման հետևանքով զոհերի թիվը հասել է 402-ի՝ հայտնում է AFP-ն:
Ավելի վաղ հաղորդվում էր 379 զոհերի մասին:
8 հարկանի Rana Plaza-ն փլուզվել էր ապրիլի 24-ին: Համալիրում գտնվել են հագուստի կարի արտադրամաս, բանկ և բազմաթիվ խանութներ:
Տեղի իշխանությունները արդեն կազմել են 149 անհետ կորածների ցուցակը: Նրանց թիվը դեռ ճշտվում է: Ավելի վաղ իշխանությունները հայտնում էին 840 անհետ կորածի մասին:
Rana Plaza-ի փլուզման ժամանակ շենքում աշխատել է 3.5 հազար մարդ: ԶԼՄ-ների տեղեկություններով՝ շուրջ 2.5 հազար մարդու հաջողվել է փրկվել:
Այսօր Դաքքայում տեղի են ունենում աշխատավորների բազմահազարանոց ցույցեր, որոնք պահանջում են ապահովել աշխատանքային անվտանգությունը, ինչպես նաև մահապատժի ենթարկել ֆաբրիկայի տիրոջը:
Ոստիկանության տեղեկություններով՝ ցույցերին մասնակցում է 10 հազարից ոչ պակաս մարդ, որոնց թիվը օրվա ընթացքում կարող է ավելանալ: