ՀԱՄԱՍ շարժման անվտանգության մարմինները Գազայի հատվածում հիմնված սալաֆիների որս են սկսել։ Այս մասին հաղորդում է Threat Matrix-ը:
Այս տվյալների համաձայն՝ գործողության ընթացքում ձերբակալվել են երկու ակտիվիստներ, որոնք անդամակցում են Ժողովրդական դիմադրության կոմիտեին և Նասեր Սալահ Ալ-Դինի ջոկատին՝ կազմակերպություն, որը նույնիսկ ՀԱՄԱՍ-ի չափանիշներով համարվում է ծայրահեղական:
Սալաֆիների տվյալներով՝ ՀԱՄԱՍ շարժումը, ձերբակալելով իրենց համախոհներին, հաճախ փոխանցում է Եգիպտոսին, որտեղ նրանցով զբաղվում են տեղի հատուկ ծառայությունները:
Ինչպես նշում է պարբերականը, ձերբակալություններն իրականացվել են իսրայելական ավիահարվածների հետ գրեթե միաժամանակ, որի հետևանքով ապրիլի 30-ին սպանվել է գրոհային սալաֆիներից մեկը, որը կանգնած է եղել Իսրայելի Էյլաթ քաղաքի հրթիռակոծման հետևում:
ՀԱՄԱՍ շարժումը պաշտոնապես դատապարտել է գրոհայինի սպանությունը, սակայն սպանվածի կողմնակիցները Գազայի հատվածի ղեկավարությանը մեղադրել են երկերեսանիության մեջ, քանի որ հրթիռակոծումից առաջ նրան ազատ են արձակել ՀԱՄԱՍ-ի բանտից:
