«Ես դատախազության տեղը լինեի՝ կհանեի բոլոր արդյունքները, թե՝ ինչպես քանդվեցին բոլոր գործարանները. մինչև հիմա աոանց աշխատելու ապրում են ճոխ, և կարողանում են մասնակցել ընտրություններին»: Սա ՀՀԿ փոխնախագահ Գալուստ Սահակյանի պատասխանն է Տարոն Մարգարյանի ունեցվածքի օրինականությունը ստուգելու մասին ՀԱԿ-ի կողմից ՀՀ գլխավոր դատախազին ներկայացրած դիմումի:
«Մարդիկ մտածում են, որ իշխանության գալն այն որդեգրումն է, որ իրենք են ունեցել: երբ իշխանավոր Էին՝ տանում էին, հիմա իրենց սրբի տեղ են ներկայացնում»,- «Առավոտ»-ին ասել է Գալուստ Սահակյանը՝ չհամաձայնելով դիտարկմանը, որ ներկայիս իշխանավորներն էլ են տանում: Ըստ նրա՝ հիմա ազատ տնտեսական համակարգ է, և բնական է, որ մարդիկ ձգտում են ու հարստանում:
