ԵՄ երկրների կորուստները հարկերից խուսափելու պատճառով հասնում են տարեկան 1 տրիլիոն եվրոյի: Այս մասին հայտարարել է Ֆինլանդիայի ֆինանսների նախարար Յուտա Ուրպիլայնենը՝ ելույթ ունենալով Հելսինկիում կայացած ԵՄ-ում հարկային հանցագործությունների դեմ պայքարի հարցերով կոնֆերանսում: Այս մասին հայտնում է ITAR-TASS-ը:
«Մեզ անհրաժեշտ է էթիկայի վրա հիմնված շուկայական տնտեսություն, որում տեղ չկա ո´չ հարկային «ապաստարանին», ո´չ ընդհանուր պատասխանատվությունից խուսափելուն»,- ասել է նա:
Ֆինն նախարարի կարծիքով՝ հարկերից խուսափելու դեմ պայքարը պահանջում է լուծել երեք խնդիր՝ բանկային գաղտնիք, կորպորատիվ գաղտնիք և գաղտնիք պետությունների միջև:
Հանդիպման մասնակիցները քննարկել են հարկային խարդախությունների դեմ պայքարի ուժեղացման Եվրահանձնաժողովի առաջարկած ծրագիրն ու այդ ոլորտում միջազգային համագործակցության նշանակությունը: