Վրաստանի անվտանգության դոկտրինում ոչ մի փոփոխություն չի ներառվել: Այս մասին հայտարարել է Վրաստանի արտաքին գործերի նախարար Մայա Փանջիկիձեն:
«Երկրի անվտանգության դոկտրինում ոչ մի փոփոխություն չի ներառվել: Դարձյալ սպառնալիք է համարվում Ռուսաստանը և այն, որ նա բռնազավթել է մեր տարածքների 20 տոկոսը: Դոկտրինում միայն մեկ լրացում կա, ինչը վերաբերում է Վրաստանի՝ տնտեսական և հումանիտար ոլորտներում Ռուսաստանի հետ հարաբերությունները բարելավելու ձգտմանը:
Փոփոխություններ այլևս չկան: Այս փոփոխության քննարկման ընթացքում մասնակցել են բոլոր, այդ թվում նաև անվտանգության գերատեսչությունները: Այժմ փաստաթուղթը ազգային անվտանգության խորհրդում է, և, որքանով որ ինձ է հայտնի, այնտեղ ևս որևէ առարկություն չկա»,- ասել է Փանջիկիձեն:
