Աշխարհի 18 թագավորական տների ներկայացուցիչները հրավիրվել են Նիդերլանդներում միապետի փոխման արարողությանը, որը կկայանա այսօր՝ Հոլանդիայի մայրաքաղաք Ամստերդամում: Այս մասին հայտնում է ITAR-TASS-ը:
Պետության ղեկին գտնվելու 33-ամյակի օրը 75-ամյա թագուհի Բեատրիսը կստորագրի ակտ գահից հեռանալու մասին: Գահաժառանգ արքայազնը, որը երեք օր առաջ դարձել է 46 տարեկան, կգահակալի թագավոր Վիլեմ-Ալեքսանդր անվան ներքո՝ դառնալով Նիդերլանդներում վերջին 123 տարվա մեջ առաջին տղամարդ միապետը և ամենաերիտասարդ թագավորը Եվրոպայում:
Ավելի վաղ ենթադրվում էր, որ նա կվերցնի Վիլհելմ IV անունը, սակայն ավելի ուշ պլանները փոխվեցին: Նա ցանկացել է խուսափել անվանը կցվող թվերից:
Հյուրերի թվում են նաև ՄԱԿ-ի նախկին գլխավոր քարտուղար Քոֆի Անանը, Եվրահանձնաժողովի ղեկավար Ժոզե Մանուել Բարոզուն,Միջազգային օլիմպիական կոմիտեի նախագահ Ժակ Ռոգեն:
Ապագա թագավորը կերդմնակալի խորհրդարանի երկու պալատների անդամների ներկայությամբ: Նա ոչ թե կթագադրվի, այլ գահ կբարձրանա:
