Բանգլադեշի մայրաքաղաք Դաքքայի արվարձանում բազմաբնակարան շենքի փլուզման հետևանքով զոհվածների թիվը հասել է 363-ի: Ողբերգության վայրում որոնողական աշխատանքները շարունակվում են:
Ինչպես հաղորդում է France Presse-ը, փրկարարները սկսել են վերամբարձ կռունկներ ու այլ ծանր տեխնիկա կիրառել՝ շենքի փլատակների տակից ողջ մարդկանց դուրս բերելու հույսով:
Անհետ կորած է համարվում 840 մարդ:
Հիշեցենենք, որ Rana Plaza համալիրը փլուզվել էր ապրիլի 24-ին: Շենքում գտնվել էին հագուստի կարի 4 ֆաբրիկաներ, բանկ և բազմաթիվ խանութներ: Հաղորդվում է, որ համալիրում արտադրվել է հագուստ հանրահայտ արևմտյան ընկերությունների համար:
Երեկ Բանգլադեշի ոստիկանությունը ձերբակալել է շենքում գտնվող երկու ֆաբրիկաների սեփականատերերին: Նրանց դեմ առաջադրվել են հանցավոր անփութության մեղադրանքներ: Նրանք ստիպել են իրենց ենթականերին վերադառնալ աշխատանքի՝ չնայած գիտեին, որ շենքի պատերին ճեղքեր են գոյացել: