Հյուսիսկորեական Փխենյան-Նամդո նահանգի Նամփհո նավահանգստային քաղաքի մոտ անցկացվում է Կորեայի ժողովրդական բանակի մասշտաբային զորավարժանքների նախապատրաստություն: Այս մասին հայտնում է Rosbalt-ը:
Հարավային Կորեային հետախուզության տվյալներով՝ մանևրումներում, որոնք ամենայն հավանականությամբ կանցկացվեն Դեղին ծովի ափերի մոտ, գործի կդրվի ցամաքային հրետանի և ավիացիա:
Զորավարժանքների նախապատրաստությունն անցկացվում է Հյուսիսային և Հարավային Կորեաների միջև լարվածության նոր ալիքի ֆոնին:
Սեուլը շտապ դուրս է բերում իր անձնակազմը «Կեսոն» համատեղ արդյունաբերական գոտուց:
Ավելի վաղ հաղորդվել էր, որ հյուսիսկորեացի զինվորականները երկրի ղեկավարությունից սպասում են թշնամիների «լիովին ոչնչացման» հրամանի: Երկրի ռազմաօդային ուժերի և հակաօդային պաշտպանության հրամանատարությունների հայտարարությունում ասվում էր, որ իրենք կհարձակվեն թշնամիների վրա ու երկրի երեսից կջնջեն նրա գլխավոր պատվարները:
