Բրիտանական նոր գովազդային քարոզարշավը կոչ է անում նիհարել հատուկ գաջեթի օգնությամբ, որը օգտագործել են հին եգիպտացիները: Իրականում դա որովայնի շուրջ կապված բարակ պարանի կամ շղթայի մի կտոր է: Կանայք այն կրել են որովայնին՝ որպես կենդանի հիշողություն այն մասին, որ պետք է դադարեցնել չափից շատ ուտելը:
Նման միջոցը միշտ հիշեցնում է քիչ ուտելու և առողջ մնալու մասին: Երկար տարիներ գոտկատեղի շրջագծի չափումը համարվել է առողջության վկայական: Այս մասին գիտեին և՛ հին եգիպտացիները, և՛ հնդիկները, և՛ հնդկացիները:
Եթե հին ժամանակներում այդ շղթան կամ թելը կարող էր կտրվել կամ փտել, ապա նորագույն տեխնոլոգիաները թույլ են տալիս ստեղծել յուրահատուկ գաջեթ, որը կարելի է կրել օրը 24 ժամ, շաբաթը՝ 7 օր: Դրանով կարելի է նույնիսկ լոգանք ընդունել: Այսպիսով, նիհարելու դեպքում բավական կլինի միայն մի փոքր ձգել այդ յուրահատուկ գոտին: Նիհարելուն զուգընթաց՝ դրա պոչիկն ավելի երկար է դառնում: Գաջեթը կարելի է նաև որպես աքսեսուար օգտագործել, քանի որ բավականին գեղեցիկ տեսք ունի: