Ընդդիմադիր այլ ուժերի կողմից «Բարև Երևան»-ի դեմ սկսված հակաքարոզչությունը ոչ այնքանխփեց«Բարև Երևանին»-ին,որքան ուղղակի Րաֆֆի Հովհաննիսյանին և հետընտրական զարգացումներին: «Առաջին լրատվական»-ի հետ զրույցում նման կարծիք հայտնեց«Ժառանգության» գլխավոր քարտուղար, «Բարև Երևան» դաշինքի համամասնական ցուցակի չորրորդ հորիզոնականը զբաղեցնող Ստյոպա Սաֆարյանը:
«Փետրվարի 18-ից հետո հայտարարեցին, որ այդ շուրջ 600.000-ը ոչ թե Րաֆֆի Հովհաննիսյանի ձայներն էին, այլ իրենցը՝ փորձ անելով ներկայացնել, թե իրենք կվերադարձնեն այդ ձայները: Ոմանք սպասում էին, որ Րաֆֆի Հովհաննիսյանը ապրիլի 9-ին ուղղակի կտանի արյունահեղության, ինչն էլ հիասթափություն կառաջացնի, բայց այդպես չեղավ, ոմանք քննադատեցին, թե՝ քաղաքական ծրագիր չունի, բայց բոլոր քննադատությունների իրական նպատակը եղել է ուղղակի«Բարև Երևան»-ի էլեկտորատին կամ իրենց նախկին համակիրներին իրենց կողմը քաշելը»,-նշեց նա:
Սաֆարյանի դիտարկմամբ՝ անպտուղ է եղել նրանց իրականացրած քարոզչությունը. «Անցած քարոզարշավի գրեթե բոլոր հանդիպումներինեղել եմ՝ բացի Ավանի հանդիպումներից, և այդ համայնքներում խոսելով մարդկանց հետ՝ վստահաբար կարող եմ ասել, որ այսօր առաջատարը «Բարև Երևան»-ն է:Դա չափազանց տեսանելի է,և այդ հիասթափությունը, որը փորձում են ներկայացնել, իրականությունից հեռու է»:
Պարոն Սաֆարյանին խնդրեցինք անդրադառնալ նաև«Բարև Երևան»-ի նախընտրական պաստառին և այն քննադատություններին, որ ՕԵԿ ցուցակի առաջին համար Արմեն Երիցյանը ներկայացրել էր: «Բոլորը տեսնում են՝սկսած«Օրինաց երկրից» և Հանրապետականից մինչև մյուս բոլոր ուժերը, որ այս պահին առաջատարը «Բարև Երևան»-ն է, իսկ մնացած քննադատությունները զուտ այդ պատճառով են»,- ասաց նա:
Մեր այն հարցերին՝ կա՞ արդյոք կոնֆլիկտ«Ժառանգության» և Դաշնակցության միջև, և ինչպե՞ս կմեկնաբանի ՀՅԴ որոշ գործիչների խոսքերն իրենց հասցեին, Ստյոպա Սաֆարյանըպատասխանեց. «Ոչ,չեմ կարծում, թե կոնֆլիկտ կա, պարզապես Դաշնակցության մեջ կան մարդիկ, որոնք պատրաստեցին այդ մամուլի հաղորդագրությունը՝արջի ծառայություն մատուցելովՀայ հեղափոխական դաշնակցությանը:
Ես ասել եմ, որ շատ հարգում ու գնահատում եմ Դաշնակցության մյուս բոլոր մեր գործընկերներին՝ անկախ նրանից, որ չեմ կիսում գաղափարական մի շարք մոտեցումներ:Այնուամենայնիվ՝ պետք է ասեմ, որ լավ ծառայություն չեն մատուցել:
Ես փակված եմ համարում այդ թեման, ես կարող էի շատ ավելի կոշտ պատասխանել, ուղղակի հասկանալով, որ երկու թիմերի համար շատ ավելի մեծ խնդիրներ կան՝ պետք է փորձենք միասին ինչ-որ բան անելժողովրդի համար, այդ պատճառով էլ ինձ այդպեսչեմ պահում»:
Իր խոսքի վերջում նախկին պատգամավորը հավելեց, որ իշխող կուսակցությունն իր վարքագծով շարունակում է ստեղծել գաղջ մթնոլորտ և ապահովել գաղջ մթնոլորտին անհրաժեշտ բոլոր նպաստավոր պայմանները:
