Կաթոլիկները պահանջում են իրենց հոգևորականների կուսակրոնության խոստման վերացում: Պարտականության վերացման և կուսակրոնությունն ըստ ցանկության դարձնելու պայքարի գլխավոր ակտիվիստը 87-ամյա Կլելիա Լյուրոն է, ում բուռն սիրավեպը Բուենոս Այրես նահանգի Ավալանեդա նավահանգստային քաղաքի նախկին եպիսկոպոս Ջերոնիմո Պոդեստի հետ 1960-ականներին մեծ աղմուկ էր բարձրացրել: Այս մասին հայտնում է fedpost.ru պորտալը:
Լյուրոն, ով Ֆրանցիսկոս I-ի մոտ ընկերն է, այժմ տեղաշարժվում է հաշմանդամի սայլակով, սակայն իր մեջ բավականին մեծ ուժ է գտնում ստիպելու եկեղեցուն ուշադրություն դարձնել իր գլխավորած արշավին:
Նա հավատում է, որ եկեղեցին անպայման կհրաժարվի նման պրակտիկայից, քանի որ «աշխարհը դա այլևս չի ընկալում»: Նա վստահ է, որ այդ քայլը կարող է լուծել հոգևորակաների սղության հարցը և իր առաջարկի քննարկման խնդրանքով նամակ է հղել Պապին:
Անցած տարի հրապարկված «Երկնքի ու Երկրի մասին» գրքում Ֆրանցիսկոս I-ը գրել է, որ հակված է կուսակրոնության պահպանմանը՝ իր դրական և բացասական կողմերով, սակայն այժմ նա նշել է, որ դա կարգապահության հարց է, ոչ թե՝ հավատքի, ինչը նշանակում է, որ փոփոխությունները լիովին հնարավոր են:
