1914 թվականի ապրիլի 28-ին ԱՄՆ-ում արտոնագրվել է օդորակիչը: Այն նախատեսված էր հաստատության ներսում անհրաժեշտ ջերմաստիճանի և խոնավության պահպանման համար: Օդորակիչը մաքրում է օդը՝ այն անցկացնելով հատուկ ֆիլտրերի միջոցով: Այս մասին հայտնում է Calend.ru-ն:
Առաջին անգամ օդորակիչի մասին հայտնի է դարձել 1815 թվականին, երբ ֆրանսիացի Ժան Շաբանեսը արտոնագրել է օդորակման և հաստատություններում ջերմաստիճանների կարգավորման մեթոդը: Չնայած նրա հեռանկարային գաղափարին՝ օդորակման միջոցների գործնական կիրառությունը երկար սպասեցնել տվեց:
Միայն 1902 թվականին ԱՄՆ-ում ինժեներ-գյուտարար Ուիլիս Կարիերը Նյու Յորքի տպագրատան համար հավաքեց աշխարհում առաջին արդյունաբերական սառեցնող մեքենան: Այդ տեխնիկան օդորակչի «նախնին» է:
Ամերիկյան General Electric ընկերությունը 1929 թվականին ստեղծել է բնակարանային առաջին օդորակիչը: 1931 թվականից սկսած, երբ ստեղծվել է մարդու օրգանիզմի համար անվտանգ ֆրեոնը, արտադրությունն ավելի է հեշտացել:
