ԱԺ ՀԱԿ խմբակցության ղեկավար Լևոն Զուրաբյանը Ազատության հրապարակից մեկնարկող Մարդու իրավունքների պաշտպանությանը նվիրված երթից առաջ հայտարարեց, որ իրենք կարող են մարդու իրավունքների բազմաթիվ խախտումներից խոսել, բայց այդ ամենը ստվերվում է նրանով, թե ինչ տեղի ուենցավ դեկտեմբերի 6-ի հանրաքվեի ժամանակ. «Այդ օրը բոլոր այս մարդու իրավունքների խախտումները տեղի ունեցան խտացված կարգավիճակով: Հենց այդ օրը տեղի ունեցան բազմաթիվ բռնություններ այն լրագրողների նկատմամբ, ովքեր փորձում էին ուղղակի տեղեկացնել սեփական հանրությանը տեղամասերում կատարվող իրադարձությունների վերաբերյալ»:
Լևոն Զուրբյանը կոչով դիմեց հանրաքվեի ժամանակ բոլոր պայքարած քաղաքական ուժերին. «Էն մնացած ուժերին այդ կոչը չեմ անում, ովքեր ասեցին՝ կեղծ օրակարգ է, ովքեր ասացին՝ չենք հավատում հաղթանակին, փախան բոլորը:
Մեր նպատակը պետք է լինի Հայաստանում ստեղծել ազնվության բանակ: Բառիս բուն իմաստով ազնվության բանակ, որովհետև այն պայքարը որ ընթանում է մեր երկրում, դա իրականում պայքար է ազնվության և խարդախության, չարիքի միջև»: Զուրաբյանը նշեց նաև, որ այդ բանակի ձևավորումն իրենցք սկսելու են քաղաքական և քաղաքացիական ուժերի հետ:
Մանրամասները՝ տեսանյութում:
