Չիլիի ոստիկանությունը ձերբակալել է 4 մարդու, որոնք կասկածվում են ծիսական նպատակներով նորածին երեխային ողջակիզելու մեջ:
Ոստիկանության տեղեկություններով՝ անցած տարվա նոյեմբերին երեխային նետել են խարույկի մեջ: Դեպքը տեղի է ունեցել Չիլիի Վալպարաիսո նավահանգստից ոչ հեռու գտնվող փոքր քաղաքում: Այս մասին հայտնում է BBC-ն:
Հաղորդվում է, որ ձերբակալվածներից մեկը երեխայի մայրն է: Մյուս ձերբակալվածները երկու կին են և մեկ տղամարդ: Ենթադրաբար, նրանք բոլորն աղանդավորներ են և երեխային սպանել են՝ ընդունելով նրան որպես նեռ: Այդ կերպ նրանք ցանկացել են խուսափել աշխարհի վերջից:
Աղանդի ենթադրյալ առաջնորդը այս տարվա փետրվարից փախուստի մեջ է: