Ռուսական TASS լրատվական գործակալության փոխանցմամբ՝ Թուրքիան մտադիր է արագացնել եվրաինտեգրման գործընթացը։ Այդ մասին այսօր խորհրդարանում ունեցած ելույթում հայտարարել է Թուրքիայի վարչապետ Ահմեթ Դավութօղլուն:
«Մեզ համար շատ կարևոր է ԵՄ-ին լիիրավ անդամակցումը։ Մենք կարագացնենք բանակցային գործընթացը։ Մենք կզբաղվենք մեր դատական համակարգով։ Մենք իրագործում ենք ԵՄ-ին անդամակցելու մեր ազգային պլանը և 2016 թվականի հոկտեմբերից Թուրքիայի քաղաքացիները կկարողանան ազատորեն մեկնել ԵՄ։ Ոչ վաղ անցյալում անցկացված ԵՄ-Թուրքիա գագաթնաժողովի ժամանակ ձեռք են բերվել լուրջ հաղթանակներ։ ԵՄ-ն սկզբի համար խոստացել է 3 միլիարդ եվրո հատկացնել սիրիացի փախստականներին օգնելու համար»։
