Իրանական IRNA լրատվական գործակալության փոխանցմամբ՝ Իրանի սահմանային Բազարգան գազային կայանի ղեկավար Սադըք Էքբեր Փուրը հայտարարել է, որ Իրանն ապահովում է Թուրքիայի գազային կարիքների 30 տոկոսը, և հերքել է այն տեղեկությունը, թե Իրանը մեծացրել է Թուրքիային գազի մատակարարումների ծավալը։
Նա ընդգծել է, որ Իրանն օրական Թուրքիային մատակարարում է մոտ 30 միլիոն մետր խորանարդ մետր գազ, ինչը կազմում է տարեկան 10 միլիարդ խորանարդ մետր. «Թուրքիայի հետ գործող համաձայնագրով Իրանը Թուրքիային տարեկան մատակարարում է 10 միլիարդ խորանարդ մետր, և դա մեծացնելն անհնար է։ Թուրքիան չի կարող գազի ներկրման ծավալը մեծացնել ընթացիկ համաձայնագրի շրջանակներում։ Դրա համար անհրաժեշտ է նոր համաձայնագիր և հետևաբար՝ նոր բանակցություններ»։
Թուրքիան ներկայումս Ռուսաստանից իր գազային մեծ կախվածությունը նվազեցնելու ակտիվ փնտրտուքների մեջ է։
