«Այս ընտրությանը մեր տղաների մի մասը վստահված անձինք են, և 2-3 օր ահազանգեր ենք ստացել այն մասին, որ մեր տղաներին գումար են առաջարկում, քայլերի են դիմում, եթե դա չի ստացվում ահաբեկչությունն է աշխատում,- «Առաջին լրատվական»-ի հետ զրույցում տեղեկացրեց «Ժողովրդական հայրենիք» կուսակցության նախագահ Պետրոս Մակեյանը:
Նա նաև հավելեց. «20 տարվա ընթացքում մեր կուսակցության անդամները ակտիվ մասնակցել են բոլոր ընտրություններին: Այն մեթոդները, որ տեսել ենք նախկինում, նույնը կրկնվում է հիմա. կենաց-մահու կռիվ է գնում: Կրիմինալը ոստիկանության հովանու տակ շրջապատում է ընտրատեղամասերը, վարչական ռեսուրսները, ընտրակաշառքը. այս համակարգը հստակ գործում է: Հույս ունենալ, որ սրանք փոխվելու են, ցավում եմ, բայց այլևս նման բան չկա»:
Պետրոս Մակեյանի դիտարկմամբ՝ հասարակությունը խաղից լրիվ դուրս է մղված: Իշխանությունը բացահայտ ցինիզմի է անցել: Հանրապետականը բանդա է դարձել, ու պատժում են մարդկանց:
Մանրամասները՝ տեսանյութում:
