Ֆրանսիական «Շառլ դե Գոլ» ավիակիրը, որը ներկայում Սիրիայի ափերի մոտ է, մի քանի օրից կվերատեղակայվի Պարսից ծոցում։ Այս մասին հայտարարել է Ֆրանսիայի նախագահ Ֆրանսուա Օլանդը, ով երեկ եղել է ավիակրի տախտակամածին։ Այս մասին հայտնում է France-Presse-ը։
Մինչ այդ պահը ավիախումբը կշարունակի մասնակցությունը հատուկ գործողությանը՝ իրականացնելով ռազմական թռիչքներ։
Ավիակիրը Միջերկրական ծովի արևելյան ափ էր հասել նոյեմբերի 22-ի գիշերը։ Դրա կազմում են 18 Rafale-M կործանիչներ, 8 Super Etendard արդիականացված կործանիչ-ռմբակոծիչներ, 2 E-2C «թռչող ռադարներ», 2 SA.365N Dauphin ուղղաթիռներ, մեկական SA.319B Allouette III և AS.332 Super Puma ուղղաթիռներ։
Միջերկրական ծով ժամանելով՝ ավիակիրը համակարգել է գործողությունները տարածաշրջանում գտնվող ռուսական ռազմածովային նավատորմի նավերի հետ։ Այդ մասին պայմանավորվածությունը ձեռք էր բերվել Ռուսաստանի ու Ֆրանսիայի նախագահների միջև նոյեմբերի 17-ին։
