Ադրբեջանական Turan լրատվական գործակալության փոխանցմամբ՝ Վրաստանը, Ղազախստանը, Ադրբեջանն ու Չինաստանը մտադիր են ստեղծել կոնսորցիում՝ Ասիայից Եվրոպա բեռնափոխադրումներ իրականացնելու համար։ Այդ մասին նշված է «Վրացական երկաթուղիներ» ընկերության հայտարարությունում։
Ստամբուլում տեղի է ունեցել Չինաստան-Թուրքիա-Եվրոպա Անդրկասպյան միջազգային տրանսպորտային երթուղու (ТМТМ) զարգացման հնարավորությունների և հեռանկարների շնորհանդեսը, որն իրականացվել էր Logitrans միջազգային տրանսպորտային-լոգիստիկ ցուցահանդեսում։ Միջոցառմանը մասնակցել են Թուրքիայի, Ղազախստանի, Ադրբեջանի, Վրաստանի ու Լիտվայի տրանսպորտային-լոգիստիկ խոշոր օպերատորների ներկայացուցիչները։