Նավթի համաշխարհային գներն այսօրվա առևտրի ընթացքում տարբեր ուղղություններով են փոխվում, միաժամանակ, WTI ապրանքանիշը թանկանում է չորրորդ շրջանում անընդմեջ, ինչը չի նկատվել ապրիլից: Այս մասին հայտնում է INTERFAX-ը:
Մեր ժամանակով 9:40-ի տվյալներով՝ Լոնդոնի ICE Futures բորսայում Brent տեսակի նավթի հունվարյան մատակարարումների ֆյուչերսային գործարքների գինը նվազել է 0,09%-ով՝ մինչև 46,13 դոլար մեկ բարելի դիմաց: WTI տեսակի նավթի հունվարյան մատակարարումների ֆյուչերսային գործարքների գինը Նյու Յորքի NYMEX բորսայում այդ ընթացքում բարձրացել է 0,28%-ով՝ մինչև 43,16 դոլար մեկ բարելի դիմաց:
Չորեքշաբթի Baker Hughes նավթասպասարկող ընկերությունը հայտարարել է ԱՄՆ-ում գործող հորատման սարքավորումների թվի 9-ով կրճատման մասին՝ միչև 555 միավոր, ուր նվազագույնն է 2010 թ. հունիսից:
Միևնույն ժամանակ, ԱՄՆ-ում նավթի ապրանքային պահուստներն ավելացել են անցած շաբաթ 9-րդ անգամ անընդմեջ և ընդհուպ մոտեցել են ռեկորդային մակարդակի: Երկրի էներգետիկայի նախարարության տվյալներով՝ պահուստներն աճել են 961 000 բարելով՝ մինչև 488,2 մլն բարել:
