Vesti.ru-ի փոխանցմամբ՝ Իրանի գերագույն ղեկավար, այաթոլա Ալի Խամենեին իր հեռուստաուղերձում աջակցություն է հայտնել Իսրայելի իշխանությունների դեմ պաղեստինցիների ըմբոստությանը և խոստացել պաղեստինցիներին աջակցել ամեն հնարավոր եղանականերով։
Խամենեին դրանով իսկ հերքել է նաև ԱՄՆ պաշտոնատար անձանց այն հայտարարությունները, որոնցում նրանք հարձակումների վերջին ալիքը որակում են որպես ահաբեկչության դրսևորում։
Հայտարարությունն արվել է ԱՄՆ պետքարտուղար Ջոն Քերիի կողմից Իսրայել այցելելու հաջորդ օրը, որի ժամանակ նա հանդիպել է Իսրայելի վարչապետ Բենիամին Նեթանյահուի հետ և աջակցություն հայտնել նրան։
Խամենեին հայտարարել է. «Չնայած ԱՄՆ-ի միջամտության բոլոր փորձերին և անգամ արաբական երկրների հետ համագործակցելուն, պաղեստինյան ինթիֆադան (ըմբոստությունը) մեկնարկել է։ Մենք Պաղեստինի ժողովրդի շարժմանն աջակցելու ենք առկա բոլոր եղանակներով և այնքան երկար ժամանակ, որքան որ կարող ենք»։
