Կահիրեում վճռաբեկ դատարանը կոռուպցիայի գործի հետաքննության արդյունքում որոշել է ազատել Եգիպտոսի նախագահ Հոսնի Մուբարաքին: Գլխավոր դատախազ Թալաաթ Աբդուլլահը բողոքարկել է որոշումը: Այս մասին հաղորդում է Ria Novosti-ն՝ վկայակոչելով տեղի մամուլը:
Հայտնի է նաև, որ դատի ընթացքում նախկին նախագահն իրեն վատ է զգացել:
Չնայած 2011-ի դեպքերի գործով դատարանը Մուբարաքին ազատ է արձակել՝ այս որոշումը, սակայն, նրան ազատության մեջ լինել չի թույլատրում, քանի որ հետաքննվում է նրա մասնակցությամբ կոռուպցիայի առնվազն ևս 2 գործ:
Եգիպտոսի դատախազությունը կարգադրել է Մուբարաքին կալանքի տակ պահել 15 օր: Այս կապակցությամբ նախկին նախագահին կալանքի տակ վերցնելու որոշումն ընդունվել է այն բանից հետո, երբ ցուցարարների վրա կրակ բացելու գործի՝ հետաքննության ժամկետի ավարտի պատճառով նրան ազատ են արձակել: Մուբարաքի փաստաբանն այս որոշումը ևս բողոքարկել է: