Ուրբաթ առավոտյան Իտալիայում սկսվել է նոր՝ 12-րդ նախագահի ընտրությունների վճռական օրը: Պատգամավորների պալատի և Ազգային խորհրդարանի սենատի համատեղ նիստին մասնակցում են երկրի տարբեր շրջաններից պատվիրակներ՝ հաղորդում է RIA Novosti-ն:
Երկրի գործող նախագահ Ջորջո Նապոլիտանոյի 7-ամյա մանդատի ժամկետը լրանում է մայիսի 15-ին: Քվեարկությանն իրավունք ունեն մասնակցելու 1007 ընտրող: Իտալիայի 83-րդ Սահմանադրության համապատասխան՝ նախագահի ընտրություններն անցկացվում են գաղտնի քվեարկությամբ: Ընտրվելու համար առաջին երեք փուլերում պետք է հավաքել ժողովի մասնակիցների ձայների ավելի քան 2/3-ը՝ 672 ձայն: Չորրորդ փուլից սկսած բավարար է ստանալ ձայների բացարձակ մեծամասնությունը՝ 504 ձայն:
Քվեարկության առաջին երկու փուլերը, որոնք կայացել են հինգշաբթի, անարդյունք են ավարտվել: Առաջին փուլում առաջատար է դարձել Սենատի նախկին նախագահ Ֆրանկո Մարինին՝ 521 ձայն, իսկ երկրորդ փուլում՝ 15 ձայն: Հինգշաբթի նախագահի պաշտոնի երկրորդ թեկնածուն դարձավ հայտնի փաստաբան և քաղաքական գործիչ Ստեֆանո Ռոդոտան: Նա առաջին և երկրորդ փուլերում հավաքել է համապատասխանաբար 240 և 230 ձայն: