ՄԱԿ-ի գլխավոր քատուղար Պան Գի Մունը հաջորդ շաբաթվա մեծ մասը Նյու Յորքում կանցկացնի, հետո Մալթա կմեկնի Ազգերի համագործակցության գագաթնաժողովին մասնակցելու համար: Պան Գի Մունը նաև Ֆրանսիա կայցելի, որտեղ կլիմայի հարցով կոնֆերանս տեղի կունենա: Այս մասին RI Novosti-ին հայտնել է ՄԱԿ-ի գլխավոր քարտուղարի պաշտոնական ներկայացուցիչ Ստեֆան Դյուժարիկը:
Այդպիսով մամլո ծառայությունում հերքել են տեղեկությունը, թե Պան Գի Մունը նոյեմբերի 23-ին Փխենյան կժամանի և Հյուսիսային Կորեայում կլինի 4 օր:
Դյուժարիկը նշել է, որ Պան Գի Մունը «բազմիցս խոսել է ցանկացած, ներառյալ՝ մեկնումը Հյուսիսային Կորեա, կառուցողական դեր խաղալու պատրաստակամության մասին՝ որպես Կորեական թերակղզում խաղաղության, կայունության և երկխոսության ուղղությամբ ջանքեր»:
