Բաշար Ասադը գտնում է, որ նախագահի պաշտոնից իր հրաժարականը կախված է միայն Սիրիայի ժողովրդի կարծիքից: Այդպիսի հայտարարություն նա արել է երեքշաբթի օրը ֆրանսիական Valeur Actuel ամսագրին տված հարցազրույցում:
«Իմ հնարավոր հրաժարականի հարցը չպետք է դիտարկվի միջազգային համաժողովներում: Իմ հրաժարականը կախված է բացառապես միայն Սիրիայի ժողովրդի կամքից և խորհրդարանի որոշումից»,- ասել է Ասադը: «Նրանք, ովքեր ուզում են ոչնչացնել Սիրիան, դրանով ձգտում են վերացնել այդ տարածաշրջանի վերջին աշխարհիկ պետությունը: Աշխարհիկ բնույթը դա սիրիական պետության անբաժանելի մասն է: Եվ դա հսկայական նշանակություն ունի ամբողջ Մերձավոր Արևելքի համար»,- նշել է նա:
Բացի այդ Ասադը նշեց, որ Սիրիան Ֆրանսիայի հետ կփոխանակի հետախուզական տվյլաներ միայն այն դեպքում, երբ Փարիզը փոխի իր քաղաքականությունը տարածաշրջանում:
