ԵՄ-ում սիգարետի «սև շուկան» վաճառքի ծավալով նոր ռեկորդ է սահմանել՝ 2012 թվականին ընդլայնվելով 11.1 տոկոսով: 2011 թվականին աճը կազել է 10.4 տոկոս: Այս մասին հայտնում է ITAR-TASS-ը:
Տվյալները հրապարակել է KPMG աուդիտորական ընկերությունը: Նրա գնահատականով՝ ԵՄ-ում ծխախոտային արտադրանքին «սև շուկայի» հասցրած վնասը անցած տարի կազմել է 12.5 մլրդ եվրո:
Հետազոտությունն անցկացվել է ԵՄ բոլոր երկրներում: Շնորհիվ այդ վերլուծության՝ պարզվել է, որ անցած տարի սիգարետի անօրինական վաճառքի ծավալն աճել է եվրոպական 12 երկրում, իսկ դրանում «առաջնորդ» են դարձել Լիտվան, Մեծ Բրիտանիան և Իռլանդիան՝ համապատասխանաբար 27.5, 16.4 և 19.1 տոկոս ռեկորդային աճով:
Փորձագետների գնահատականով՝ եվրոգոտու մի քանի երկրներում ամեն տարի նկատվող սիգարետների անօրինական առևտրի աճը համաճարակային բնույթ է ձեռք բերել: Եվրոպայում դրանից առավելապես տուժում են Մեծ Բրիտանիայի, Հունաստանի և Իտալիայի տնտեսությունները:
