Իսպանիայի ազգային հավաքականի գլխավոր մարզիչ Վիսենտե Դել Բոսկեն մեկնաբանել է Բելգիա – Իսպանիա ընկերական հանդիպման չեղարկումը, տեղեկացնում է As-ը:
«Մենք տեղեկացված չենք, թե ինչու է չեղարկվել ընկերական հանդիպումը, սակայն կարող ենք գլխի ընկնել պատճառների մասին: Մենք պատրաստ էինք խաղալու: Այս հանդիպումը պետք է այս տարվա վերջին փորձությունը լիներ մեզ համար:
Բելգիայի ընտրանու դեմ ընկերական հանդիպումը շատ կարևոր էր մեզ համար: Սակայն ռիսկը, որը կապված է անվտանգության հետ, ավելի բարձր գտնվեց: Այսպիսի իրավիճակում ավելի լավ է վերադառնալ Մադրիդ:
Բրյուսելում հանգիստ էր: Մենք մարզվում էինք այնպես, ինչպես կմարզվեինք այլ հանդիպումներից առաջ: Ցավոք, Բելգիայի ղեկավարությունը որոշում կայացրեց չեղարկել այս հանդիպումը, պատճառաբանելով, որ կարող է ցավալի միջադեպ կատարվել»,- հայտարարել է Դել Բոսկեն:
